Ҳар қандай соҳада жисмонан соғлом ва маънан етук кадрлар билангина юқори самарадорликка эришиш мумкин. Ушбу талаблар туман ҳокимлиги ходимлари учун эса алоҳида аҳамият касб этади.

Бугунги кунда давлат хизматлари кўрсатиш соҳаси халқимизнинг энг яқин кўмакчисига айланиб, тезкор, қулай ва сифатли тизимга айланиб улгурди. Туманда ўтган 2021 йилда Давлат хизматлари маркази орқали аҳолига 31 минг 081 та давлат хизматлари кўрсатилди. Жумладан, 1430 та тадбиркорлик субъектлари шундан 685 та юридик шахслар, 824 та якка тартибдаги тадбиркорлик субъектлари давлат рўйхатидан ўтказилди.

2022 йил 30 январда 7-Муллатоғай ва 24-Янгиқўрғонча сайлов округлари бўйича бўшаб қолган ўринга халқ депутатлари Каттақўрғон туман Кенгашига сайловлар бўлиб ўтди.Ўзбекистон Республикаси Конституцияси ва Ўзбекистон Республикасининг Сайлов кодексига тўла мувофиқ равишда бўлиб ўтган сайловларда 7896 нафар сайловчи ёки рўйхатга киритилган сайловчиларнинг 77,5 фоизи қатнашди.