Чораклик ва йиллик ҳисоботлар

Каттақўрғон туманининг ижтимоий-иқтисодий ривожлантиришда

2018 йил 3-чораги давомида амалга оширилган ишлар тўғрисида

МАЪЛУМОТ


1. АСОСИЙ МАКРОИҚТИСОДИЙ КЎРСАТКИЧЛАР.

         Саноатмаҳсулотлари ишлаб чиқариш 119.6 фоизга(шу жумладан ҳудудий саноат маҳсулотлари ишлаб чиқаришни 102.7 фоизга),қурилиш-пудрат ишлари ҳажмини 103.2 фоизга, қишлоқ хўжалик маҳсулотлари ишлаб чиқаришни 120.8 фоизга, чакана савдо айланмаси 111.9 фоизга ва жами хизматлар ҳажмини167.3 фоизга етказилди.

 

2. МАҚСАДЛИ ДАСТУРЛАР ИЖРОСИ:

2018 йилда туманни комплекс ижтимоий-иқтисодий ривожлантириш Дастурларга асосан 3 та(саноат, хизмат кўрсатиш, қишлоқ хўжалиги)йуналишда қиймати 51.9млрд. сўмликжами 158 та лойиҳаларни амалга ошириш ва 790 та янги иш ўринлари яратиш кўзда тутилган бўлиб, дастур доирасидаги лойиҳалар билан биргаликда дастурдан ташқари 31 та 25.2 млрд сўмлик лойиҳалар амалга оширилиши натижасида жами 930 та янги иш ўринлари яратилди.

 

3. МАҲАЛЛИЙЛАШТИРИШ ДАСТУРИ.

Юртбошимизнинг Парламентга қилинган мурожатидан келиб чиқиб, 2019 йилда Туманга импорт қилинаётган маҳсулотларни ўрганган ҳолда аввало импорт ўрнини босувчи ишлаб чиқариш мураккаб технологик жараёнларни талаб этмайдиган маҳсулотларни ишлаб чиқаришни йўлга қўйишбелгилаб олинган. Бунинг натижада туманнинг иқтисодий кўрсаткичларида саноат улуши оширилади, нарх-наво барқарорлиги таъминланади, валютанинг бошқа ҳудудларга чиқиб кетиши қисқаради, янги иш ўринлари ташкил этилди.

 

4. БАНДЛИК ДАСТУРИ.

Ўзбекистон Республикаси Президентининг 2018 йил 3 февралдаги ПҚ-3506-сон Қарорига асосан 2018 йил бандлик дастури 1059 та янги иш ўринлари яратилиши режалаштирилган бўлса, 2018 йилда 17-18 март кунлари Юртбошимизнинг Самарқанд вилоятига ташрифлари давомида7.1минг нафар қўшимча топшириқ билан биргаликда 8.1 минг нафар фуқаронинг бандлиги таъминлаш белгиланган бўлиб, ҳақиқатда дустурда яратилиши режалаштирилган иш ўринлари 100.1фоизга бажарилди. Бундан ташқари дастурдан ташқари амалга оширилган лойиҳалар амалга оширилиши натижасида қўшимча 3.5 минг нафар янги иш ўринлари яратилиб бандлик дастури 143.8 фоизга бажарилди.

 

5. ДАВЛАТ МУЛКИ ОБЪЕКТЛАРИНИ ХУСУСИЙЛАШТИРИШ. 3 та давлат мулки объектлари 1675 млн сўм инвестиция киритиш ҳамда 66 та янги иш ўринлари ташкил этиш шарти билан “ноль” харид қийматида берилди.

(Масалан, Жумабой МФЙ худудидаги бкш турган Нисбат ҚВП биноси 800 млн сўм, 27 та янги иш ўринлари яратиш, Вайрот МФЙ худудида жойлашган собиқ 7-боғча биноси негизада “Иброхим қурувчи” МЧЖ томонидан 550 млн сўм, 27 та янги иш ўринлари яратиш ва “Сув ховузи” ШФЙ худудида жойлашган 30-сонли болалар мусиқа ва санъат мактаби бўш турган биноси негизада Каттақўрғон гўшт сут савдо МЧЖ томонидан 325 млн сўм, 12 та янги иш ўринлари яратиш амалга оширилди.

 

6. МАҲАЛЛИЙ БЮДЖЕТ ИЖРОСИ.

2018 йилда йиллик жами бюджетга ўндириладиган маблағлар 79.3 млрд сўмни ташкил этиб, ҳақиқатда берилган режага нисбатан 94 фоизга бажарилди. Маҳаллий бюджетга 23.2 млрд.сўмдаромадлар режасиундирилиши белгиланган бўлиб, хақиқатда 23.6 млрд.сўмга ёки йиллик режа 444 млн сўмортиғи билан (101.8 фоизга) бажарилди.

 

7. АҲОЛИНИ ТАДБИРКОРЛИККА ЖАЛБ ЭТИШ БЎЙИЧА:

Аҳолини тадбиркорликга жалб этиш мақсадида тижорат банклари томонидан жами 71 млрд.108 млн. сўмлик кредитлар ажратилди.

(ЖумладанЎзбекистон Республикаси Президентининг 3777-сонли қарори бўйича 193 та фуқароларга ва тадбиркорлик субъектларига 5млрд712млнсўм, 3680-сонли қарор бўйича 75 та фуқароларга ва тадбиркорлик субъектларига 1 млрд 024 млн сўм ҳамда тижорат банклари томонидан бошқа йўналишларга 64 млрд 374 млн сўм)

 

8. ЭКСПОРТ.

Йиллик прогноз 11397 минг доллар бўлиб, амалда 9226 минг доллар (81 %)га бажарилди.

Туманда 2018 йилнинг январ-декабр ойларида ҳудудий экспорт кўрсаткичларининг бажарилиши

31.12.2018 йил ҳолатигаминг доллар

Ҳудудлар номи

ЙИЛЛИК
РЕЖА

шундан
декабрь
ойи учун

ФАКТ
(январь-декабрь)

Шундан декабрь ойи

БАЖАРИЛИШИ
(йиллик графикка нисбатан)

 

 

%

(+/-)

1

Каттақўрғон т.

11397

882

9226

598

81

-2171

 

саноат маҳсулотлари

1692

106

1871

332

111

+179

 

мева-сабзавот маҳсулотлари

9705

776

7355

266

76

-2350

 

 

9. ХОРИЖИЙ ИНВЕСТИЦИЯЛАРНИ ЖАЛБ ЭТИШ.

2017 йилда хорижий инвестициялар жалб этилмаган. 2018 йилга қиймати 368.5минг долларлик хорижий инвестиция жалб этилилган. 2019-2020 йиллардада жами 220.7 млн. АҚШдоллари миқдорида тўғридан-тўғри хорижий инвестиция жалб қилиш режалаштирилган.

Жумладан, Хитой инвестицияси иштирокида “HENGYUAN CEMENT” ҚК тўғридан-тўғри инвестиция ҳажми 420 млн АҚШ долларини ташкил қилувчи йиллик қуввати 2.4 млн тонна бўлган цемент заводи қурилиши бошланди. Завод қурилишининг биринчи босқичи 2018-2020 йилларда амалга оширилади ва бу босқичда 220 млн АҚШ доллари миқдорида тўғридан-тўғри инвестиция ҳисобига йиллик қуввати 1.2 млн тонна бўлган дастлабки блок ишга туширилади. Иккинчи босқич 2020-2023 йилларда амалга оширилиши режалаштирилган бўлиб 200 млн АҚШ долларлик тўғридан-тўғри инвестиция киритиш орқали йиллик қуввати 1.2 млн тоннани ташкил этадиган иккинчи блок ишга туширилади. Ушбу лойиҳа тўлиқ амалга оширилиши натижасида жами 600 дан зиёд янги ишчи ўринлари ташкил қилинади.

Бундан ташқари “Stoun holding group” МЧЖ шаклидаги Ўзбекистон-АҚШ қўшма корхонаси ташкил этилди. Натижада 1 млн 120 минг долларлик хорижий инвестициялар ўзлаштирилиб мармар плиталар ишлаб чиқариш ва экспорт қилиш имконияти вужудга келади.

Халқаро молия ташкилотлари томонидан 2018 йилда туманимиздаги 11 талойиҳага жами 3 млн 109 минг долларлик имтиёзли шартлар асосида кредитлар ажратилди. Бунинг натижасижа туманимизга 7 та чорвачилик фермер хўжаликлари томонидан четдан 550бош зотли қорамоллар келтирилди ҳамда ҳар бирида камида 200 бош қорамолларни сақлаш қувватига эга замонавий типдаги чорва фермалари ташкил этилди. “Файз баширбек юксалиш” МЧЖ томонидан 150 минг долларлик қуруқ мевани қайта ишлаш ускунаси олиб келинди. 3 та корхонага 2 млн 280 минг доллар миқдорида кредитлар ажратилиши натижасида Корея ва Хитой давлатининг 6 гектарликзамонавий иссиқхоналари қурилиши бошланган бўлиб жорий йилнинг 3-чорагида ишга туширилади. “Отажон ширинликлари” ХК томонидан бир кунда 10 тонна сутни қайта ишловчи 9 хил турдаги сут маҳсулотларини ишлаб чиқарувчи 200 минг долларлик Хитой давлатнинг замонавий ускунаси келтирилмоқда.

Ушбу йўналишда 2019 йилда амалга оширилиши белгиланган 14 та лойиҳа шакллантирилган бўлиб, лойиҳаларнинг умумий қиймати 13 млн. 470 минг долларни ташкил этади. Шундан 10 млн. 720 минг доллар халқаро молия ташкилотлари кредитларини ўзлаштириш кўзда тутилган. Натижада 109 нафар янги иш ўринлари яратилади. Жумладан, умумий майдони
8 гектар бўлган 4 та замонавий замонавий иссиқхона – кредит миқдори 3 млн. 900 минг доллар, жами 700 бош қорамол парвариш қилишга мўлжалланган 3 та чорвачилик хўжалиги – кредит миқдори 2 млн.110 минг доллар, умумий сиғими
10 500 тонна бўлган 4 та музлаткичли омборхона – кредит миқдори 3 млн. 500 минг доллар, 700 тонна сутни қайта ишлаш қувватига эга 1 та қайта ишлаш корхонаси – кредит миқдори 110 минг доллар, 80 гектар майдонда интенсив боғ ташкил этиш – кредит миқдори 1 млн. доллар бўлган лойиҳаларни амалга ошириш режалаштирилган.

 

10. ҚИШЛОҚ ХЎЖАЛИГИ СОҲАСИДА:

         Туманнинг жами ер майдони 139.2 минг гектарни ташкил этади, шу жумладан экин ерлар 44.1 минг гектар (шундан, суғориладиган ерлар 25,4 минг гектар), лалмикор ерлар 18,6 минг гектар, кўп йиллик дарахтзорлар 3,1 минг гектар, бўз ерлар 2.9 минг гектар, яйловлар 49.8 минг гектар, томорқа ерлари 8.1 минг гектар, мелиоратив ерлар 0.6 минг гектар, ўрмонзорлар 1,0 минг гектар, бошқа ерлар 29.5 минг гектарни ташкил этади.

Фермер хўжаликларининг ихтисослиги бўйича бугунги кунда 1684 та фермер хўжаликлари фаолият кўрсатмоқда. Шундан, 385 таси пахта-ғаллачилик, 6 таси сабзавот-полизчилик, 799таси боғдорчилик-узумчилик, 74 таси чорвачилик, 67 та балиқчилик, 328 таси ғаллачилик, 92 таси бошқа йўналишдаги фермер хўжаликлари ҳисобланади

Пахтачилик соҳасида12.1 минг гектар майдонга 416 та фермер хўжаликлари томонидан ғўза парвариш қилиниб, давлатга пахта топшириш режаси 30 877 тонна бўлиб, амалда жами 21.1 минг тонна пахта хом-ашёсини етказиб берилди.

Жорий йил ғалла ҳосили учун жами 9,1  минг гектар майдонларга 373 та фермер хўжаликлар томонидан ғалла экилди.

2018 йилда давлатга шартномавий ғалла сотиш режаси 26.9 минг тонна белгиланган бўлиб, амалда жами 27.1 минг тонна (100.1%), дон топширилди.

Ғалладан олинган ялпи ҳосил 27.1 минг тонна бўлиб, ўртача бир гектар сувли майдондан 32.4 центнердан ҳосил олишга эришилди. Фермер хўжаликлари томонидан 19.7 млрд.сўм даромад қилинди, соф фойда 3.2 млрд. сўмга етиб, рентабеллик даражаси 19.5 %га тенг бўлди.

Пилла етиштириш режаси 274,2 тоннабелгиланган, амалда 274,5 тонна пилла топширилиб, режа 100,1%га бажарилди. Фермер хўжаликлари томонидан 6,7 млрд. сўм даромад қилинди, соф фойда 442,6 млн. сўм, рентабеллик 7%га тенг бўлди.

Боғ-ток ва интинсив боғзорларни барпо этишда 384.4 гектар боғ майдони мавжуд бўлиб, шундан 110 гектари ҳосилли, 274.4 гектари ёш боғлар ҳисобланади.

Мелиорациятадбирларни амалга оширишда 2018 йилда ерларнинг мелиоратив ҳолатини яхшилаш бўйича 2 та лойиҳага асосан 90,3 км узунликдаги мелиоратив объектларни таъмирлаш-тиклаш ва реконструкция қилиш белгиланган, ушбу ишларга жами 2 432 млн. сўм пул маблағлари ажратилган.

1 январ ҳолатига барча 2 та лойиҳада иш бошланиб, 82,4 км узунликдаги коллекторларда таъмирлаш ва реконструкция қилиш ишлари бажарилди.Мазкур ишларга 1680 млн. сўм пул маблағлари сарфланди.

 

11. ҚУРИЛИШ СОҲАСИДА:

Инвестиция дастурига асосан 2018 йилда жами 24 та объектларни қурилиши учун 40.7 млрд. сўм маблағ ажратилиниб барча объектлар тўлиқ фойдаланишга топширилди.

Инвестиция дастурига асосанжами 178 та объектларни қурилиши учун 169,8 млрд. сўм маблағ ажратилиши режалаштирилган.

Шундан, бугунги кунга қадар Самарқанд вилоят Инжиниринг компанияси маблағлари хисобидан молиялаштирилган дастурдаги 24 та объектларнинг барчаси фойдаланишга топширилди. Марказий шифохонанинг терапия ва болалар бўлими дастур асосида Кадан қўрғончасида 4.5 млрд. сўмга қурилган янги бинога кўчирилди. Туман тиббиёт бирлашмасига қарашли Каттаминг ҚОПда 1.5 млрд. сўмлик, Мойбулоқ ҚОПда 1.4 млрд. сўмлик янги бино қурилиб ишга тушурилди. Сув ховузи ҚОПга қарашли Қоракўлча ПАП да 139 млн. сўмлик жорий таъмирлаш ишлари якунланди.

Инвестиция дастуридан ташқари бюджет ҳисобидан Зарафшон ҚВПда 350 млн. сўмлик жорий таъмирлаш ишлари олиб борилмоқда. Чуянчи ҚВП да 24 млн. сўмлик, Ойжон ҚВПда 61 млн. сўмлик иссиқлик тизими қайтадан таъмирланди. Сув ховузи ҚОПда 45 млн. сўмлик, Янгиқўрғонча ҚВПда 32 млн. сўмлик, Қирғиз ҚВПда 35 млн. сўмлик,Қорадарё ҚВП да
36 млн. сўмлик сув минораси қурилди. 

Уй-жойларнинг қурилиши:

2018 йилда4 та массивда умумий қиймати 20.5 млрд. сўмлик 122 та 2 сотихли 3 хонали арзон уй-жойлар, 2 та массивда умумий қиймати 16.1 млрд. сўмлик 16та хонадондан иборат 2 қаватли 8 та уй-жойлар қурилди. Ушбу қурилиш ишларининг жами қиймати 36.6 млрд. сўмни ташкил этди.

Ногирон, меҳнатга лаёқати чекланган ва камтаъминланган фуқароларнинг 4 таси тўлиқ жиҳозланган билан уй-жой билан таъминланди. (Ўз. Р Пр 2017 йил 12 сентябрдаги ПҚ-3268 сонли қарори). 16 нафар фуқарога уй-жой сотиб олиш учун маҳаллий бюджет ҳисобидан бошланғич бадаллар тўлаб берилди. Шундан 12 нафари хотин-қизларни ташкил этади.

2018 йилда2 қаватли уй-жойларда 6 та ҳожатхона ва4 та болалар майдончалари янгидан қурилиб, тўлиқ фойдаланишга топширилди.

Йўл қурилиши:

2018 йилда туманда 108.5 км йўл таъмирланган бўлиб, шундан 70 км узунликда асфальт қоплама ишлари бажарилди,
38.5 км шағал-тош ётқизилди. Ушбу ишларни бажаришга 25.8 млрд. сўм маблағ сарфланди.

“Каттақўрғон туман Йўллардан фойдаланиш” ДУКга йўл қурилишида фойдаланиладиган янги замонавий техникалар харид қилинди. 2 та асфальт заводи модернизация ва реконструкция қилиниб, фаолияти қайта тикланди. Инерт материаллар ишлаб чиқарувчи завод қурилди.

 

12. КОММУНАЛ СОҲАДА:

Электр таъминоти:

   Электр таъминоти тизимини яхшилаш бўйича жорий йил давомида 7.8 км паст кучланишли, 8 км юқори кучланиш ҳаво электр тармоқлари реконстукция қилинди, электр таянч устунларнинг 286 дан ортиғи алмаштирилди. 7 дона янги трансфарматорлар ўрнатилди, 76 дона трансфарматор пунктлари мукаммал таъмирланди. Шунингдек,80 та тунги ёритиш чироқлари янги тежамкор лампаларга алмаштирилиб, 113 та худди шундай янги лампалар ўрнатилди.

Ушбу ишлар бажарилиши натижасида туман бўйича 5 та ҳудудда 3774 та хонадонларда электр таъминоти яхшиланди.

Туманда саноатни ривожлантириш ҳамда инвестицион муҳитни яхшилаш мақсадида юқори кучланишли “Оқдарё” ним станциясидаги 6.3мегаваттли трансформатор ўрнига 16 мегаваттли, “Мойбулоқ”нимстанциясидаги6.3мегаваттли трансформатор ўрнига10 мегаваттлитрансформаторлар ўрнатилиб, жами8 млрд. сўмлик лойиҳа амалга оширилди.

Янгиравот МФЙ ҳудудида “Дурбеш”110/10 6300 кВлинимстанциясига қўшимча 10 кВли 5 та ячейка ўрнатилиб,
6 км узунликда электр узатиш тармоғи тортилди.Бунинг натижасида шу ҳудуддаги тадбиркорлик субъектларининг электр энергия таъминоти барқарорлиги таъминланади.

2018 йил давомида туман истеъмолчиларига жами 35.0 млрд. сўмлик электр энергияси етказилиб, амалда 33.9 млрд. сўм ёки жами қарздорликка нисбатан 56.2 фоиз маблағлар ундирилди. Қарздорлик жорий йил 1 январь ҳолатида 26.4 млрд. сўмни ташкил этиб, йил бошига нисбатан 1.1 млрд. сўмга ошган.

Табиий газ таъминоти:

Туманда табиий газ таъминотини яхшилаш бўйича 2.5 км янги газ қувурлари тортилди, 4.3 км тармоқ таъмирланди,
10 дона янги ГТҚ ўрнатилди ва 458 донаси қайта кўрикдан ўтқазилиб таъмирланди. Қоракулча маҳалласи Худайқулобод қишлоғи газлаштирилди. Натижада, туман бўйича 10 та МФЙдаги 1221 та аҳоли хонадонларида табиий газ таъминоти яхшиланди. Ҳозирги кунда табиий газ етказиб бериладиган хонадонлар сони 11232 тага етди.

Бугунги кунда туманда суюлтирилган газ етказиб бериладиган хонадонлар сони 28 771та бўлиб, жорий йилда 2 160 тага кўпайди. Аҳолини сифатли ва узлуксиз суюлтирилган газ билан таъминлаш мақсадида қўшимча равишда 1 847 дона маиший газ баллонлари аҳолига тарқатилди,3 донаавтомашинабилан таъминланди.Суюлтирилган газдан фойдаланадиган абонементлар сони 2017 йилда 34083 тани ташкил этган бўлса, 2018 йилда 35880 тага етди.

Тумандаги 46 757та хонадонга (38 та МФЙ тўлиқ, 12 таМФЙ қисман) табиий газ етказиб бериш имконияти йўқ.

Табиий газ етказиб берилмайдиган 46 757 та хонадонларни қиш мавсумини беталофат ўтказиш учун аҳоли ва газ идорасида жами 41 300та (39033 та газ идорасиники, 2267 та фуқароларнинг шахсий) табиий газ баллонлари мавжуд, йил бошидан жами 1847 дона суюлтирилган газ баллонлари тумангаз филиали томонидан аҳолига етказиб берилган.

Бир ойда ўртача 450-470 тонна суюлтирилган газ лимити ажратилиб, битта хонадонга 1 ойда бир маротаба алмаштириб берилмоқда, агар 950 тонна лимит ажратилиб, техника билан таъминланса бир ойда 2 маротаба алмаштириш имконияти бўлади. Маҳалла фуқаролари томонидан 1000 донадан қўшимча суюлтирилган газ баллонга талабнома берилган.

   2018 йилда туман истеъмолчиларига жами 23.7 млрд.сўмлик табиий газ етказилиб, амалда 21.1 млрд. сўм ёки 63.2 фоиз маблағлар ундирилди. Қарздорлик жорий йил 1 январь ҳолатида 12.3 млрд. сўмни ташкил этиб, келиб йил бошига нисбатан
2.6 млрд.сўмга ошган.

   Ичимлик суви таъминоти

Туман ҳокимлиги аралашуви билан “Сув оқова” ташкилоти фаолияти йўлга қўйилди. Мавжуд 0.7 км ичимлик суви каналлари ва 11 дона сув насослари таъмирланди. 7.4 км янги сув қувурлари ўтқазилди. 8 та янги сув иншоатлари қурилди.

Бундан ташқари “Сувоқова” ДУК га ҳудудидаги 3 та сув насослари ва сув чиқарувчи
136 метр Д-159 мм ли трубалар алмаштирилди. Агрегатлар жойлашган бино капитал таъмирланди.

Бугунги кунда туманда 21 та ҳудудда 1150 та хонадон марказлашган ичимлик суви билан таъминланган.

Телефон ва интернет алоқаси сифатини яхшилаш мақсадида 1 та янгиАТС қурилди, 9 км оптик толали тармоқ тортилди, 16 км тармоқ жорий таъмирланди.

Куз-қиш мавсумига тайёргарлик:

Cамарқанд вилоят ҳокимининг 2018 йил 21 июндаги 485-Қ-сонли “Ўзбекистон Республикаси Президентининг 2018 йил 12 июндаги ПҚ–3849-сонли “Республика иқтисодиёти тармоқлари ва ижтимоий соҳаларини 2018/2019 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида”ги қарори қарори ижросини таъминлаш ва туман иқтисодиёт тармоклари корхона ва муассасаларини 2018/2019  йил куз-қиш даврида барқарор ишлашга тайёрлашни таъминлаш мақсадида туман ҳокимининг 2018 йил14 августдаги 1487-Қ-сонли қарори қабул қилинди.  

Ҳозирги кунда туманда жами 208 та ижтимоий соҳа объектлари, шу жумладан 12 та касб-ҳунар коллежлари, 102 та умумтаълим мактаблари, 58 та болалар боғчалари, 1 та касалхона, 3 та оилавий поликлиника, 1 та кўп тармоқли марказий поликлиника, 9 та ҳудудий поликлиника, 13 та тез тиббий ёрдам шоҳобчаси, 9 та қишлоқ врачлик пунктлари фаолият кўрсатмоқда.

Ижтимоий соҳа объектларини қиш мавсумида беталофат ўтказиш мақсадида халқ таълими муассасаларига 1861 тонна (552 тонна кўмир, 1309 тонна брикет), мактабгача таълим муассасаларида 358 тонна (166 тонна кўмир, 192 тонна брикет), соғлиқни сақлаш муассасаларига 138 тонна(69 тонна кўмир, 69 тонна брикет), касб-ҳунар коллежларига 355 тонна (95 тонна кўмир, 260 тонна брикет) маҳсулотлари билан таъминлаш белгиланган бўлиб, ҳозирги кунгача 2712 тонна (100 %) (882 тонна кўмир, 1830 тонна брикет)  келтирилган.

Бундан ташқари манзилли дастур асосида реконструкция ва капитал таъмирлаш ишлари олиб борилаётган 5 та соғлиқни сақлаш муассасалари, 11 та умумтаълим мактаби ва 7 та мактабгача таълим муассасаларида лойиҳа бўйича тўлиқ яъни 48 тадан ортиқ янги энергия тежайдиган қозонлар ўрнатилиши эвазига таълим муассасаларида муқобил ёқилғи турларидан (кўмир, брикет, ўтин) фойдаланиб иситиш имконияти ортади.

Барча ижтимоий соҳа объектларида синган дераза ойналарини алмаштириш, эшикларнинг маҳкам ёпилишини таъминлаш чоралари кўрилди.

Мактабгача таълим муасасаларнинг 58 тадан 41 та мактабгача таълим муассасаси кўмир ёқилғиси билан иситилади. Газ босими паст бўлган 8 та мактабгача таълим муассасалари қўшимча кўмир тақсимланади. Шунингдек, 2018 йилда 7 та таълим муассасаларидаги маънан эскирган қозонлар янги энерготежамкор қозонларга алмаштирилиб, қозонхоналар таъмирланди.

Соғлиқни сақлаштизимидагиКаттақўрғон туман тиббиёт бирлашмасининг ҚВП ва ҚОПлари жами 117 тонна
2018-2019 йил куз-қиш мавсуми учун кўмир билан таъминланди, таъбиий газ мавжуд худудлардаги қозонхоналар таъмирланиб, ишга тушурилди. Туман тиббиёт бирлашмасидаги18 та, бирлашмага қарашли бошқа муассасалардаги 23 дона қозон ва қозонхоналар таъмирланди.Туман тиббиёт бирлашмаси Кадан қўрғонидаги бўлимларининг барча қозонлар юқори босимда ювилиб, иситиш тизими тармоқлари кирувчи ва чиқувчи трубалари изоляция қилинди.

2018/2019 йил куз-қиш мавсумини беталофат ўтказиш учун туман аҳолисига ажратилган 5900 тонна (2700 тонна кўмир ва 3200 тонна брикет) ўртача битта хонадонга 126 кгдан тўғри келмоқда. Ушбу ажратилган лимит камлиги инобатга олиб ва аҳолининг эҳтиёжидан келиб чиқиб вилоят ҳокимлигига яна қўшимча 10000 тонна кўмирга талаб борлиги тўғрисида таклиф киритилди.  

АТБ “Агробанк” Пайшанба филиалининг1 млрд. 982 млн. сўм миқдоридаги кредит маблағлари ҳисобидан тумандаги
8 та 2 қаватли уй-жойлар тўлиқ таъмирлаш ишлари якунланди (том қисми алмаштирилди, фасад қисми таъмирланди, чиқиндихона қурилди, кириш эшиклари темир эшикларга алмаштирилди, электрошитлар таъмирланди, йўлаклар ва йўллар бетонланди ва ободонлаштирилди). Жумладан, 17 та том алмаштириш ишлари тугатилиб, кириш йўлаги таъмирланган ва 14 та темир эшиклар ўрнатилди.

 

13. ИЖТИМОИЙ СОҲАДА:

Ёшлар сиёсати бўйича:

Бугунги кунда туманда 30 ёшгача бўлган ёшларнинг сони 160.1минг нафарни ташкил қилади.

Ёшларнинг 1284 нафари олий таълим, 3040 нафари ўрта махсус, касб-ҳунар таълими, 48.2 минг нафари халқ таълими муассасаларида таҳсил оладилар, 6.2 минг нафари уюшмаган ёшлар ҳисобланади.

Туманда 4201 та ёш оилалар, 801 нафар ёш тадбиркорлар ва 149 нафар ёш фермерлар истиқомат қиладилар.

2018 йилда 48194 нафар ёшларнинг уйларига кириб, уларнинг яшаш шароитлар ўрганилди ва улар ўртасида ижтимоий сўровнома ўтказилди.

Ўтказилган сўровномалар натижасида ёшлар ўртасида 3394 та муаммолар аниқланди ва уларни ҳал қилиш бўйича манзилли чора-тадбирлар белгиланди.

Уюшмаган ёшларнинг бандлигини таъминлаш мақсадида туманда ўтказилган 7 та меҳнат ярмаркаларида 208 нафар ёшларнинг бандлиги таъминланди.

Соғлиқни сақлаш тизимида:

Бирламчи тиббий санитария ёрдами сифати ва ҳолати тўғрисида:

Туман тиббиёт бирлашмасини қарашли соғлиқни сақлаш тизимининг бирламчи тиббий санитария ёрдами 1 та Марказий поликлиника,3 та ҚОП, 9 та ҚВП, 5 та уй-жой, 13 та тез тиббий ёрдам шахобчалари фаолияти йўлга қўйилган.

Тумандаги мавжуд 3 та ҚВПлар мақбуллаштирилиб, 9 та қишлоқ оилавий поликлиникалари ва 9 та ҚВП фаолияти йўлга қўйилди. Тумандаги 261.4 минг нафар аҳолига жами 321 нафар патронаж ҳамширалар тиббий хизмат кўрсатиб келмоқда.

Шошилинч ва биринчи тез тиббий ёрдам хизмати ишининг самарадорлиги ҳолати тўғрисида:

Туман тиббиёт бирлашмасида 1 та шошилинч тиббий ёрдам бўлими, 1 та тез тиббий ёрдам бўлими ва 13татез тиббий ёрдам шаҳобчалари мавжуд.

Мавжуд шаҳобчаларнинг якка тартибдаги сув қудуғи орқали ичимлик суви билан таъминланган. 6 та шаҳобча табиий газ, 7 та шаҳобча кўмир билан иситилади.

Туман бўйича 17 та тез тиббий ёрдам бригадалари фаолият кўрсатмоқда. Шундан9 таси врачлик ва 7 таси фельдшерлик бригадаларидир.Уларнинг барчаси врачлар билан таъминланган.Ушбу бригадаларда 29 нафаролий маълумотли врачлар ва88 нафар ўрта тиббиёт ходимлар фаолият кўрсатмоқда. Транспорт таъминоти 100 %га етказилган.

Барча бригадалар марказлаштирилган тартибда36 турдаги дори-дармонлар билан таъминланган. Ўртача битта чақириқга1814 сўмдан маблағ сарфланган. (2017 йилда 1234 сўм бўлган).

Оналик ва болаликни муҳофаза қилиш, аҳолини репродуктив саломатлиги масалалари тўғрисида:

2018 йилда туманда 5546 (2017 йилда 5124 нафар)чақалоқлар тирик туғилган.30 нафар(2017 йилда 32 нафар) гўдаклар ўлими, 1 нафар оналар ўлими қайд этилган. 8 нафар туғма нуқсон билан туғилган болалар сони қайд этилган бўлиб, ушбу кўрсаткич 2017 йилга нисбатан ошмаган.

Мактабгача таълим тизими бўйича:

Каттақўрғон туман мактабгача таълим бўлими тасарруфида 2018 йил 1 январь ҳолатига 44 таМТМлар фаолият кўрсатган бўлиб уларда 196 та гуруҳ ва 9 та кун қисқа муддатли гурухларда 4 273 нафар тарбияланувчилар қамраб олинган.

2018 йил 31 декабр ҳолатида 58 та МТМларда 291 та гуруҳ (248 та куни узайтирилган гуруҳ ва 43 та қисқа  муддатли) ларда 5 532нафар тарбияланувчилар қамраб олинган. 2018 йил январь-декабрь ойларида 1 259 нафар болалар МТМларга жалб қилинди. МТМларда бугунги кунда 377 нафар педагог ходим фаолият кўрсатмоқда. Улардан 62 нафариолий,315 нафари ўрта махсус маълумотга эга ходимлардир.

Ижтимоий қўллаб-қувватлаш:

2018 йилда25 нафар фуқароларнинг уй-жойларини таъмирлаш мақсадида 14 млн. сўмдан ажратилди, 6 нафарининг уй-жойлари капитал таъмирлаб берилди. 70 нафар фуқаролар маиший техника билан таъминлаш учун рўйхатга қўйилди,
70 нафар фуқароларга газ баллон ва газ плиталари етказиб берилди, 119 нафарига ногиронлик аравачаси тарқатилди, 6 нафартиббий ёрдамга муҳтож фуқароларга 4 млн. сўмдан маблағлар ажратилди. 2 нафар беморга жами 21 млн. сўм жарроҳлик амалиётига ҳомийлик қилинди. 27 нафарига даволаниш учун йўлланма (ордер) берилди.

 

14. ЖИНОЯТЧИЛИКНИ ОЛДИНИ ОЛИШ БОРАСИДА:

Туманда ҳуқуқни муҳофаза қилувчи ва ҳокимият органлари ҳамда бошқа мутасадди идоралар томонидан жиноятчиликка қарши курашиш, унинг олдини олиш борасида амалга оширилган ишлар натижада, 2018 йилда жиноятчилик2017 йилга нисбатан43 тага (274-231) ёки 15,69 %га,жиноят қидирув йўналишидаги жиноятлар 45 тага (183-138) ёки 24,59 %гакамайган.Шунингдек, жиноят турларидан қасддан баданга оғир тан жароҳати етказиш, номусга тегиш,  талончилик, ўғирлик, фирибгарлик, безорилик каби оғир жиноятлар, шунингдек, маст ҳолатда, муқаддам судланган шахслар, аёллар ҳамда гуруҳлар томонидан содир этилган жиноятларни сезиларли даражада камайган. Жумладан, фирибгарлик (28-28) ёки ўтган давр ҳолатига тенг, ўғирлик 40 тага (59-19) ёки 67,8 %га, қасддан баданга ўртача оғир тан жароҳати етказиш 5 тага (10-5) ёки
50 %га
, безорилик 1 тага (6-5) ёки 16,7 %га, талончилик 3 тага (4-1) ёки 75 %га,одам ўлими билан боғлиқ ЙТХ жиноятлари
2 тага (19-17) ёки 10,53 %га камайишига эришилган.

2018 йил давомида 69 та маҳаллаларнинг 21 тасида (30,4%) умуман жиноят содир этилишига йўл қўйилмади,
28 тасида (40,6%)жиноят суръати камайди, 17 тасида (24,6%) жиноятлар содир этилиши барқарор сақланди,
3 тасида (4,3%) жиноят суръати ошишига йўл қуйилди

Хотин-қизлар ўртасида ҳуқуқбузарлик ва жиноятчиликнинг олдини олиш борасида олиб борилган профилактик ишлар натижасида, улар томонидан содир этилган  жиноятлар 1 тага (18-17) ёки 5,56 фоизга камайган. Лекин, туман худудида босқинчилик жинояти 2 тага (1-3) ёки 66,6 %га,иқтисодий соҳадаги жиноятлар 13 тага (34-47) ёки 38,3 %га ошган.

 

 

2015-2019 © Каттақўрғон туман ҳокимлиги. Сайт яратувчиси: SAKTRM