Барча ватандошларимиз сингари мен ҳам Давлатимиз раҳбарининг Олий Мажлис ва Ўзбекистон халқига йўллаган мурожаатномасини диққат ва катта ҳаяжон билан тингладим.

Жонажон Ўзбекистонимиз миллий ривожланишнинг янги даврига дадил қадам қўймоқда. Ҳаётимизнинг барча жабҳаларида улкан ўзгаришлар юз бермоқда.

Беҳисоб шукур, бу йил аҳолимиз 36 миллиондан ошди. Ҳар йили сафимизга қарийб 900 минг янги авлод қўшилмоқда.

Ўзбекистон деб аталмиш катта ва иноқ оиланинг ҳар бир аъзоси тинч ва фаровон ҳаёт кечириши учун зарур шарт-шароитлар яратиш йўлида тинимсиз изланяпмиз.

Якунига етаётган 2022 йил ғоят мураккаб ва синовли йил бўлди, десам, ҳар томонлама тўғри бўлади. Ушбу даврда тўплаган тажрибамиз бир ҳақиқатни яққол исботлаб бермоқда: тараққиётга – фақат машаққатли ва жасоратли меҳнат орқали эришилади.

Каттақўрғон туманида аҳоли бандлигини таъминлаш, айниқса, “Темир дафтар” ва "Ёшлар дафтари"га олинганларнинг доимий даромад манбаини яратиш борасида тизимли ишлар амалга оширилмоқда. 

Биргина Вазирлар Маҳкамасининг 2022 йил 11 майдаги 252-сонли қарори ижроси доирасида субсидия асосида берилаётган мотокулътиватор оилаларнинг доимий даромад манбаини яратиш, рўзғорни бутлаш учун катта имконият бермоқда.