Президентимиз Олий Мажлис ва Ўзбекистон халқига йўллаган Мурожаатномасида 2023 йилга юртимизда “Инсонга эътибор ва сифатли таълим йили”, деб ном беришни таклиф қилди  ва ”Шу юртда яшаётган ҳар бир инсоннинг тинч ва бахтли ҳаёт кечириши, унинг соғлиғи жойида бўлиши, яхши таълим олиши, оиласини тебратиши учун қандай шароит керак бўлса, ҳаммасини яратиб беришга ҳаракат қиляпмиз ва бу йўлдан асло тўхтамаймиз”-дея таъкидлаб  ўтдилар.

“Иқтисодиётга маҳаллий ва хорижий хусусий инвестицияларни кўпайтириш учун шароитларни янада яхшилаймиз.Биз сўнгги олти йилда инвестициялар ҳажмини ялпи ички маҳсулотнинг 30 фоизидан оширишга эришдик.Келгуси йили қарийб 30 миллиард доллар сармоя жалб қилинади, шундан 25 миллиард доллар хусусий инвестициялар бўлади. Жумладан, умумий қиймати 8 миллиард долларлик 300 дан зиёд лойиҳани ишга туширамиз ва яна 40 та янги йирик лойиҳа бошланади.Шу билан бирга, фаол инвестицияларни жалб қилишда хусусийлаштириш ва давлат-хусусий шериклик имкониятларидан тўлиқ ва самарали фойдаланиш зарур”,-деди муҳтарам Президентимиз Олий Мажлис ва Ўзбекистон халқига йўллаган Мурожаатномасида.

Каттақўрғон туман давлат солиқ инспекциясига декабрь ойи учун бюджет даромадларига 8,594. млрд. сўмлик режа белгиланган бўлиб, ҳақиқатда 9,578 млрд. сўмлик тушум таъминланди ва прогноз кўрсаткичи 111,4. фоизга (0,984 млрд. сўм ортиғи билан) бажарилди.