Ўзбекистон экологик партияси Самарқанд вилояти кенгаши ходими Тошпўлат Муқибоев ва Каттақўрғон туман Кенгаши депутати Марҳабо Қодировалар билан биргаликда тумандаги умумтаълим мактабларида экологияга доир олиб борилаётган ишларнинг аҳволи билан яқиндан танишиш ҳамда жойларда жорий йил октябрь ойида бўлиб ўтадиган сайловга тайёргарлик кўриш ҳамда сайлов участкаларида амалга оширилаётган ишларни ўрганиш мақсадида Полвонтепа маҳалла фуқаролар йиғини Полвонтепа қишлоғида жойлашган 35-умумтаълим мактабида бўлдик.

Маълумки, кейинги йилларда юртимизда умумий ўрта таълим тизимини ислоҳ қилиш ва ривожлантириш масалаларига алоҳида эътибор қаратилмоқда. Бунда таълим сифатини кескин яхшилаш, ўқитувчилар обрўсини ошириш,  уларнинг ишга муносабатини тубдан ўзгартириш каби бир қатор талаблар қўйилмоқда.

Жамиятнинг ривожланиб бориши билан инсонлар ўртасида рақобат юзага келган ва бунинг оқибатида инсонлар ўз манфаатларини кўзлаган ҳолда бир-бирига нисбатан ҳар хил қонуний ва қонунга хилоф усулларни қўллай бошлаган. Бу эса, ўз навбатида, коррупциянинг юзага келишига сабаб бўлган. Коррупциянинг ўзи нима? Коррупция  шахснинг ўз мансаб ва хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий наф олиш мақсадида қонунга хилоф равишда фойдаланиши, бундай нафни қонунга хилоф равишда тақдим этишидир. Коррупция, ўз навбатида, жамиятимизда ва фуқароларимизнинг турмуш тарзида адолатсизлик туйғусини юзага келтиради, албатта.