Махсус имкониятлар
Самарқанд шаҳрида уч ёш тоифасида 2006-2011 йилларда туғилган ўсмирлар ўртасида, 1 октябр-ўқитувчи ва мураббийлар кунига бағишлаб, Самарқанд СЙКИБЎСМининг миллий кураш бўйича очиқ биринчилиги бўлиб ўтди.
Мазкур мусобақада туманимиз шарафини муносиб ҳимоя қилган тумандаги 20-умумтаълим мактаби ўқувчилари мусобақа натижасига кўра 7 та медални қўлга киритишди. Шундан, курашчи-ўсмирларимиз бешта биринчи ва иккита иккинчи ўрин соҳиби бўлишди. Мусобақада туманимиз ўсмирлари жамоа ҳисобида ҳам ғолибликни қўлга киритишди.
Мусобақа давомида Элшод Мухторов,Икромжон Файзуллаев, Фирдавс Ниятуллаев ва Дилшод Сайдалиевлар чаққонлик ва тажриба бобида ўз тенгқурлари орасида алоҳида ажралиб турдилар. Бундан ташқари, ушбу мусобақада 63 мактаб ўқувчиси Жавоҳир Розиқов ҳам фахрли 3-ўринни қўлга киритди.Ўсмир курашчиларимиз томонидан эришилган бу муваффақиятда уларга кураш сир-асрорларини ўргатишда тиним билмай беминнат меҳнат қилган Ҳусан Усаров ва Маъруф Бўриевнинг хизматлари алоҳида таҳсинга лойиқ.
