Каттақўрғон туманида ҳам янги йил байрами шукуҳи кезмоқда. Жойларда байрамни кўтаринки руҳда ўтказиш учун зарур ишлар олиб борилмоқда.
Каттақўрғонликларнинг байрам дастурхони тўкин бўлишини таъминлаш, нарх-навони кескин ортиб кетишининг олдини олиш мақсадида Кадан чорраҳасида ташкил этилган савдо ярмаркаларида озиқ-овқат ва қишлоқ хўжалиги маҳсулотларининг арзон нархларда сотилиши йўлга қўйилди.
Ярмаркада деҳқону боғбонлар томонидан етиштирилган сифатли ва сархил мевалар, сабзавот ва полиз, шунингдек, асал, сут, тухум, гўшт, умуман, 50 яқин турдаги озиқ-овқат маҳсулотлари харидорларга тақдим этилмоқда. Арзонлаштирилган савдо ярмаркаси аҳолига қулайлик яратиш билан бирга, халқимизнинг байрам кайфиятини кўтаришга хизмат қилади.
Каттақўрғон туман ҳокимлиги АХБОРОТ ХИЗМАТИ