Шу муносабат билан Ватанпарвар ташкилоти Каттақўрғон туман ўқув спорт техника клубида ташкил этилган давра суҳбатида мустақиллигимизнинг рамзи ҳисобланган Ўзбекистон Республикаси Давлат герби ва унинг тарихи ҳақида сўз борди.
ЎСТК бошлиғи Рузимурот Бозорович тадбир иштирокчиларига гербнинг тасвирланиши ҳамда, муаллифи ҳақида сўзлаб берди.
— Янги давлат гербининг бир нечта вариантлари таклиф қилинган, уларнинг орасида ҳозирги рамзимизга ўхшашлари кўп бўлган. Мазмун ва маъно жиҳатдан, ранг ва тасвир мукаммалликлари инобатга олинган деб тушунтирди.
Таъкидланишича, Давлат гербининг муаллифи графикачи-рассом Анвар Мамажонов бўлиб, у 1950 йилнинг 22 май куни Тошкент шаҳрида туғилган. 1968-1973 йилларда Миллий рассомлик ва дизайн институтида таҳсил олган. Талабалик йиллари ўз даврининг буюк рассомлари Э.Лиепене ва Б.Шупак устахоналарида маҳорат сирларини ўрганган.