Самарқандда ўтказилаётган "Янги Ўзбекистон ёшлари, бирлашайлик!" шиори остидаги ёшлар фестивалида "Заковат" интеллектуал ўйини ўз атрофига яна ҳам кўп иқтидорли, билимдон ёшларни бирлаштирди.
Самарқанд шаҳридаги "Боғишамол гарден" базмгоҳида ташкил этилган интеллектуал ўйинда ҳар бир туман ёшларидан иборат жамоага туман-шаҳар ҳокимлари сардорлик қилди.
Муросасиз кечган баҳсда нарпайлик ёшлар ғолиб бўлди. Самарқанд шаҳри жамоаси иккинчи, Каттақўрғон тумани ёшлари учинчи ўринни эгаллади.
Вилоят ҳокими Эркинжон Турдимов ғолибларни қутлади ва совғалар билан тақдирлади.