Ўзбекистон Республикаси Президенти раислигида 2020 йил 8 октябрь куни бўлиб ўтган "Жамиятда аёллар ва ёшларнинг ролини ошириш ҳамда бандлигини таъминлашнинг қўшимча чора-тадбирлари” га бағишланган селектор йиғилишида берилган топшириқлари ижросини таъминлаш, ижтимоий ҳимояга муҳтож аёллар ва ёшларни қўллаб-қувватлаш мақсадида "Аёллар дафтари" ва "Ёшлар дафтари” тизимларини жорий қилиш бўйича берилган топшириқлар ижросини ташкиллаштириш мақсадида туман ҳокими в.в.б, 1-сектор раҳбари Қиличбек Худойбердиев иштирокида 1-сектор мажлислар залида йиғилиш бўлиб ўтди.
Йиғилишда сектор аъзолари, корхона ва ташкилот раҳбарлари, 1-сектордаги МФЙ раислари қатнашишди.
Сектор кесимида уйма-уй юриш орқали белгиланган вазифаларни амалга ошириш бўйича ишчи гуруҳ ташкил этилган бўлиб, хонадонларни ўрганиш ишларини сифатли ва қисқа фурсатда бажарилиши бўйича тегишли тавсия ҳамда батафсил тушунтириш берилди. Шунингдек, сектор штабида тегишли маълумот ва ҳисоботларни базага киритиш аниқ ва тезкорлик билан киритиш кераклиги таъкидланди.