Бугун, 26 июнь куни, каттақўрғонлик зиёратчилар муборак Ҳаж ибодатини адо этиш мақсадида Саудия Арабистонига муқаддас сафарга йўл олишди.
Каттақўрғон туман ҳокими, сектор раҳбарлари, туман бош имом хатиби, Дин ишлари бўйича қўмитанинг тумандаги бош мутахассиси ва тегишли ташкилот вакиллари иштирок этиб, Ҳаж сафарига отланган 40 нафар фуқароларимизни тантанали кузатишди.
Муборак сафар олдидан зиёратчиларимиз ибодатлари Яратган даргоҳида қабул бўлиши ва юртимиз тинчлик-осойишталигини, халқимиз фаровонлигини тилаб, дуога қўл очдилар.