Kattaqo‘rg‘on tumani Davlat xizmatlari markazi binosida tuman hokimi Jamshid Nasriddinovning navbatdagi tadbirkorlar qabuli bo‘lib o‘tdi.

Unda tuman hududida faoliyat yuritayotgan tadbirkorlar ishtirok etib, o‘zlarini qiziqtirgan masalalar, taklif va muammolarni bayon etdilar.

Qabul jarayonida tadbirkorlar tomonidan qo‘yilgan masalalarning yechimini topish, ularga huquqiy va amaliy ko‘mak berish masalalari muhokama qilindi. Tuman hokimi Jamshid Nasriddinov tadbirkorlarni qo‘llab-quvvatlashga alohida e’tibor qaratilayotganini ta’kidlab, shunday dedi:
“Tadbirkorlik – iqtisodiyotimiz yuragi. Har bir tadbirkorning g‘oyasi, tashabbusi va mehnati tumanimiz rivoji uchun muhim. Biz ularning har bir muammosini eshitib, aniq yechim topishga tayyormiz”.

Bunday uchrashuvlar tadbirkorlarning ishonchini oshirish, ularning tashabbuslarini rag‘batlantirish va hududda yangi ish o‘rinlarini yaratishga xizmat qiladi.