Mo‘minxo‘ja mahallasida yashovchi tadbirkor Aziza Islomova o‘zining xonadonidan tikuvchilikni yo‘lga qo‘ygan. Ushbu faoliyati munosabati bilan press-tur tashkil etildi, unda tadbirkorning mehnat faoliyati bilan yaqindan tanishish imkoniyati yaratildi. 

Aziza Islomova ayni paytda Toshkentdan 2000 ta buyurtma olib, mahallasidagi 14 ta xotin-qizni ish bilan ta’minlagan. Uning tikuvchilik korxonasi nafaqat ayollarga ish o‘rni yaratish, balki ularning daromad manbaiga aylanib, oilalarini moddiy jihatdan qo‘llab-quvvatlamoqda. Shuningdek, Aziza Islomova o‘g‘il bolalar futbolkalari va maktab formalarini tikib, ichki bozorlarga sotib kelmoqda. 

Uning bu faoliyati nafaqat mahalliy iqtisodiyotni rivojlantirishda, balki xotin-qizlarning mehnatga jalb etilishida ham katta ahamiyat kasb etadi. Aziza Islomovaning misoli boshqa tadbirkorlar uchun ham ilhom manbaiga aylanishi mumkin.