Yangi O‘zbekiston taraqqiyoti va istiqbolini ta’minlaydigan asosiy kuch – bu tadbirkorlardir.
Shavkat Mirziyoyev

“Tadbirkorlar kuni” munosabati bilan Kattaqo‘rg‘on tumani madaniyat bo‘limi konsert zalida tadbirkorlar bilan bayramona uchrashuv bo‘lib o‘tdi. Unda tumanda faoliyat yuritayotgan xususiy ishlab chiqarish korxonalari rahbarlari va bir qator tadbirkorlar ishtirok etdilar.

Tadbir davomida tuman hokimi Jamshid Nasriddinov barcha ishbilarmonlarni bayram bilan tabriklab, ularning tumanda iqtisodiy rivojlanish, yangi ish o‘rinlari yaratish va aholi farovonligini oshirishdagi hissasini alohida ta’kidladi.

Shuningdek, faol va ilg‘or tadbirkorlarga tuman hokimligining tashakkurnomalari topshirildi.