12-avgust — O‘zbekiston Respublikasi Davlat soliq xizmati xodimlari kuni munosabati bilan Soliq inspeksiyasida uchrashuv bo‘lib o‘tdi.

Unda tuman hokimi Jamshid Nasriddinov soha vakillarini kasb bayrami bilan samimiy tabrikladi. Hokim o‘z nutqida soliq xizmati davlat moliyaviy tizimini barqaror ta’minlash, iqtisodiy islohotlarni amalga oshirish hamda tadbirkorlik faoliyatini qo‘llab-quvvatlashdagi muhim o‘rniga alohida to‘xtalib o‘tdi.

Tadbirda xizmat vazifasini sidqidildan bajarib, faoliyati davomida namuna ko‘rsatib kelayotgan bir qator soha xodimlariga tuman hokimligining tashakkurnoma va esdalik sovg‘alari tantanali ravishda topshirildi.