O‘zbekiston Respublikasi Soliq qo‘mitasi Raisining tegishli buyrug‘iga asosan Samarqand viloyati soliq organlari rahbariyatida kadrlar o‘zgarishi amalga oshirildi.

Otamurodov Murodali Yusupovich Kattaqo‘rg‘on tumani davlat soliq inspeksiyasi boshlig‘i vazifasini bajaruvchi etib tayinlandi.

 Ushbu tayinlovga qadar Murodali Yusupovich Samarqand viloyati Ishtixon tumani davlat soliq inspeksiyasi boshlig‘ining birinchi o‘rinbosari sifatida faoliyat yuritgan.
 Soliq xizmatining I darajali inspektori maxsus unvoniga ega.

Razzakov Nurbek Yarashevich Pastdarg‘om tumani davlat soliq inspeksiyasi boshlig‘i vazifasini bajaruvchi etib tayinlandi.
 

U tayinlanishga qadar Kattaqo‘rg‘on tumani davlat soliq inspeksiyasi boshlig‘i lavozimida samarali faoliyat olib borgan.
 Soliq xizmatining III darajali maslahatchisi maxsus unvoniga ega.

Ta’kidlash joiz, Nurbek Razzakov Kattaqo‘rg‘on tumanidan Pastdarg‘om tumaniga yo‘l olish arafasida tuman hokimligida tantanali kuzatuv marosimi o‘tkazildi. Unda tuman hokimi Jamshid Nasriddinov va tuman rahbarlari ishtirok etib, uning mehnat faoliyati yuzasidan samimiy fikrlar bildirildi hamda yangi lavozimida muvaffaqiyatlar tiladilar.