Singapurning “Marshall Savendish Education” xalqaro ta’lim tashkiloti bilan hamkorlikda o‘tkazilayotgan seminar-treningga tayyorgarlik jarayonini o‘rganish maqsadida O‘zbekiston Respublikasi Maktabgacha va maktab ta’limi vaziri maslahatchisi Ulug‘bek Toshkenbayev, Kattaqo‘rg‘on tumani hokimi Jamshid Nasriddinov, Samarqand viloyati Maktabgacha va maktab ta’limi boshqarmasi boshlig‘i Shaxzod Eshonqulov va tuman mutassadilari 17-umumta’lim maktabida bo‘lishdi. Ular tadbirga tayyorgarlikning har bir jihatini ko‘zdan kechirib, o‘z taklif va tavsiyalarini bildirishdi.

Seminar-treningni yuqori saviyada tashkil etish uchun zarur bo‘lgan shart-sharoitlar va imkoniyatlar bilan tanishib, yanada samarali natijalarga erishish uchun zaruriy takliflarini muhokama qilishdi. Ular ushbu tadbir orqali ta’lim sifatini oshirishga qaratilgan chora-tadbirlarni yanada kuchaytirishni ta’kidlab o‘tishdi.