Kattaqo‘rg‘on tumanida yoshlar tarbiyasida keksa avlod vakillarining o‘rni va ta’sirini oshirish, ularning boy hayotiy tajribalaridan foydalanish hamda nuroniylarning ijtimoiy faolligini kuchaytirish maqsadida bir qator amaliy ishlar olib borilmoqda. Bu jarayonda mahallalar, vakolatli muassasalar va tashkilotlar o‘rtasidagi hamkorlik tobora mustaxkamlanmoqda.

Ana shunday ezgu maqsadlar yo‘lida tuman madaniyat bo‘limi konsert zalida “Bir nuroniy – o‘n yoshga murabbiy” ko‘rik-tanlovining tuman bosqichi o‘tkazildi. Unda tumandagi mahallalarning faol nuroniylari ishtirok etib, o‘z tajribasi, bilim va salohiyatini namoyish etdi.

Tanlov yakuniga ko‘ra, Sebiston mahallasi vakili Mirzo Qilichov 1-o‘rinni, Tarnov mahallasi vakili Hasan Sanaqulov 2-o‘rinni, Nomozpolvon mahallasi vakili Toshbibi Rajabova esa 3-o‘rinni qo‘lga kiritishdi. Gʻolib va sovrindorlar pul mukofoti, tashakkurnoma hamda esdalik sovg‘alar bilan taqdirlanishdi.

Bu kabi tadbirlar yoshlar tarbiyasida keksa avlodning o‘rni beqiyos ekanini yana bir bor namoyon etmoqda.