O‘zbekiston Respublikasi Mustaqilligining 34 yilligi munosabati bilan Kattaqo‘rg‘on tumanidagi “Anvarjon biznes invest” (Toza hudud) korxonasida tadbir bo‘lib o‘tdi.

Tadbirda tuman hokimi Jamshid Nasriddinov ishtirok etib, soha vakillarini mamlakatimiz uchun muhim sanalgan bayram – Mustaqillik kuni bilan qutladi. U o‘z nutqida yurtimizning barqaror rivojlanishi va obodonlashuvida tozalik va sanitariya xizmatlarining ahamiyati katta ekanini ta’kidlab, mazkur sohada faoliyat yuritayotgan xodimlarning mehnatiga munosib baho berdi.

Shu munosabat bilan korxonaning bir qator fidoyi va tashabbuskor xodimlari tuman hokimligining tashakkurnomalari bilan taqdirlandi.