Kattaqo‘rg‘on tumanidagi 4 ta mahalla — Jizmonsoy, Kadan, Valijon va Yonboshsoy mahallalari «Tashabbusli byudjet»ning 2024 yil 2-mavsumi hamda 2025 yil 1-mavsumida ketma-ket g‘olib bo‘lgani uchun, yangi joriy etilgan qoidaga asosan, keyingi ikki mavsumda ishtirok etmaydi.

Ya’ni mazkur mahallalar 2025 yil 2-mavsumi va 2026 yil 1-mavsumida o‘tkaziladigan ovoz berish jarayonlarida o‘z loyihalari bilan qatnashish imkoniga ega emas.

Bu cheklov, shuningdek, ushbu mahallalar hududida joylashgan maktab, bolalar bog‘chasi, tibbiyot muassasalari va boshqa davlat tashkilotlari uchun ham tatbiq etiladi.

Ma’lumot uchun: «Tashabbusli byudjet»ning 2025 yil 2-mavsumi uchun Kattaqo‘rg‘on tuman mahalliy byudjet mablag‘lari va qo‘shimcha manbalar hisobidan 20 919,1 mln so‘m mablag‘ ajratilgan.