O‘zbekiston Respublikasi Vazirlar Mahkamasining 439-son qarori ijrosini ta’minlash maqsadida Kattaqo‘rg‘on tumani “Yakkabog‘” mahallasi hududida zamonaviy 400 o‘rinli “Ilk rivojlanish” markazi binosi qurilmoqda.

Loyiha doirasida barcha talablarga javob beradigan, bolalarning har tomonlama kamol topishi uchun qulay sharoitlarga ega zamonaviy ta’lim va tarbiya maskani barpo etilmoqda. Markazda bolajonlarning intellektual va ijodiy salohiyatini yuksaltirish, ularda ilk ko‘nikmalarni rivojlantirish, sport va madaniy mashg‘ulotlar bilan shug‘ullanishlari uchun barcha imkoniyatlar yaratiladi.

Mazkur tashabbus Prezidentimiz tomonidan bolajonlar uchun yaratilayotgan g‘amxo‘rlik va qo‘llab-quvvatlash siyosatining amaliy ifodasi bo‘lib xizmat qiladi.