Samarqand shahrida Favqulodda vaziyatlar vazirligiga beriktirilgan yoshlar hamda mahalla yoshlari o‘rtasida o‘tkazilgan “Men qutqaruvchiman” respublika musobaqasida Kattaqo‘rg‘on tumani yoshlari munosib ishtirok etib, 1-o‘rinni qo‘lga kiritdilar. Bu yutuq tuman yoshlarining sa’y-harakatlari, birdamligi va yuksak tayyorgarligi samarasidir.

Shu munosabat bilan tuman hokimligida uchrashuv tashkil etildi. Unda tuman hokimi Jamshid Nasriddinov va tuman prokurori Mirzaxon Nozimov g‘olib yoshlarni samimiy tabriklab, hokimlikning tashakkurnomalari hamda esdalik sovg‘alarini topshirdilar. Ular yoshlarga kelgusi yo‘llarida katta muvaffaqiyatlar tiladilar va Vatanga sadoqat bilan xizmat qilishga chorladilar.

Шунингдек (https://t.me/kattakurgon_tuman/35264), 2025 yil 27 iyun kuni bo‘lib o‘tgan Respublika “Shijoat va g‘ayrat” harbiy-sport musobaqasida ham Kattaqo‘rg‘on tumani sharafini Sho‘rak mahallasi yoshlari munosib himoya qilib, faxrli 2-o‘rinni egalladilar.

Bu yutuqlar Kattaqo‘rg‘on yoshlarining kuchli irodasi, mas’uliyatli yondashuvi va har tomonlama yuksalishga intilishi samarasi bo‘lib, ularning Vatan taraqqiyotida munosib o‘rni borligini yana bir bor isbotladi.