Xitoy Xalq Respublikasining Chejenchjou shahri hokimi o‘rinbosari Wang Fengxia boshchiligidagi 30 nafardan ortiq delegatsiya Samarqand shahridagi "Silk Road by Minyoun" mehmonxonasida Kattaqo‘rg‘on tumani hokimi Jamshid Nasriddinov boshchiligidagi tuman tadbirkorlari bilan uchrashuv o‘tkazdi. Uchrashuvdar viloyat hokimi o‘rinbosari Rustam Qobilov ham ishtirok etdi.

Ushbu uchrashuvda qishloq xo‘jaligi mahsulotlarini qayta ishlash, avtomobillar ehtiyot qismlari ishlab chiqarish, shuningdek, ta’lim va tibbiyot sohalaridagi hamkorlik masalalari muhokama etildi. Xitoylik tadbirkorlar bilan olib borilgan muzokaralarda iqtisodiy aloqalarni rivojlantirish, yangi texnologiyalar va tajribalarni almashinish imkoniyatlari ko‘rib chiqildi.

Uchrashuv davomida ikki tomon o‘rtasida o‘zaro memorandumlar imzolandi, bu ikki tomonning iqtisodiy va ijtimoiy rivojiga hissa qo‘shadi. Xitoy va Kattaqo‘rg‘on o‘rtasidagi xamkorlikning yangi imkoniyatlarini ko‘rib chiqish, iqtisodiy aloqalarni mustahkamlash va texnologiyalarning yangi yo‘nalishlarini rivojlantirish uchun bu uchrashuv muhim qadam hisoblanadi.