Muhtaram Prezidentimizning qarorlarini ijrosini ta’minlash maqsadida tumanimizdagi kriminogen vaziyat bo‘yicha har oyning yakuni bilan “profilaktik-ogohlantiruvchi murojaat” yo‘llab borilmoqda.

Sizlarga, tumanimizda oktyabr oyida sodir etilgan jinoyatlar bo‘yicha qisqacha ma’lumot bermoqchiman.

Joriy yilning oktyabr oyida jami 42 ta jinoyatlar sodir etilgan bo‘lib, sentyabr oyida nisbatan 10,6 foizga kamayishiga erishildi.Shuningdek oktyabr oyida sodir etilgan jinoyatlarning 38 foiz tashabbus bilan aniqlanadigan, 63 foiz oldini olish mumkun bo‘lgan jinoyatlar tashkil etadi.

Olib borilgan chora-tadbirlar natijasida tuman hududida oktyabr oyida oldini olish mumkin bo‘lgan jinoyatlardan qotillik, talonchilik, bosqinchilik, og‘ir tan jarohati yetkazish va avtomashinalarni olib qochish jinoyatlari sodir etilishiga yo‘l quyilmadi.

Mahallalarda xavfsiz muhitni yaratishga qaratilgan tadbirlar natijasida, oktyabr oyida -69 ta mahallalarning 41 tasida jinoyatlar umuman sodir etilishiga yo‘l qo‘yilmadi.

Jinoyat sodir etilgan mahallalarda kriminogen vaziyatni jilovlash bo‘yicha kompleks chora-tadbirlar amalga oshirilmoqda.

Hurmatli fuqarolar! So‘nggi oylarda tumanimiz hududida bezorilik va o‘g‘irlik jinoyatlari soni o‘tgan yilga nisbatan oshgani kuzatilmoqda. Bu esa ayrim fuqarolarning qonun talablariga befarq bo‘layotganidan, shuningdek, mulkka nisbatan e’tiborsizligidan dalolat bermoqda. Ichki ishlar bo‘limi barcha fuqarolardan jamoat tartibini saqlash, o‘z mulki va qo‘shnilarining xavfsizligiga befarq bo‘lmaslik, shubhali shaxslar va holatlar to‘g‘risida zudlik bilan mahalla profilaktika inspektori yoki 112 raqamiga xabar berishni so‘raydi.
Ichki ishlar organlari tomonidan jinoyatchilikni jilovlash, huquqbuzarliklarni barvaqt aniqlash va profilaktik choralarni kuchaytirish yo‘lida amaliy ishlar olib borilmoqda. Bu borada Sizlarning hushyorligingiz, ogohligingiz va hamkorligingiz biz ichki ishlar organlari uchun eng muhim omil hisoblanadi.

Shu bilan birga murojaatim davomida yana bir qator muhim yo‘nalishlarga ham ALOHIDA TO‘XTALMOQChIMAN.

-Bezorilik, janjal yoki provokatsion holatlarga aralashmaslik, bunday vaziyatlarda zudlik bilan ichki ishlar organlariga murojaat qilishni;

-Xonadonlar va boshqa ob’ektlarni ishonchli tarzda himoyalash maqsadida, ularni qo‘riqlash pultiga topshirishingizni tavsiya qilaman.

-Chorva mollaringizni kechki vaqtlarda qarovsiz holda ochiq joyda qoldirmasligingizni so‘rab qolaman.

Hurmatli Kattaqo‘rg‘onliklar tumanimiz hududida:

-jinoyat va huquqbuzarliklarni oldini olish,

-jinoyatchilikka qarshi kurashish,

-mahallalarda xavfsiz muhitni yaratish borasidagi chora-tadbirlarni amalga oshirishda albatta keng jamoatchilik vakillari va Siz aziz fuqarolarimizga tayanamiz.

Murojaatim yakunida, Siz azizlarni yana bir bor ogohlikka chaqiraman.

O‘z uyimiz, o‘z mahallamizni osoyishtaligini birgalikda o‘zimiz asraylik!

Aziz yurtdoshlar.