Xitoy Xalq Respublikasi Shinjon Uyg‘ur avtonom rayonining Qashg‘ar shahrida “15-Qashg‘ar xalqaro mahsulotlar yarmarkasi” bo‘lib o‘tdi.

Ushbu nufuzli tadbirda Kattaqo‘rg‘on tuman hokimining qurilish masalalari bo‘yicha o‘rinbosari Masariddin Rasulov boshchiligidagi delegatsiya ham ishtirok etdi.

Yarmarka doirasida Qashg‘ar shahar valisi Xoshim Asumi bilan uchrashuv o‘tkazilib, tomonlar o‘rtasida do‘stlik shartnomasi imzolandi.

Ushbu shartnoma Kattaqo‘rg‘on tumani va Qashg‘ar shahri o‘rtasida iqtisodiy, madaniy va turizm sohalarida o‘zaro hamkorlikni rivojlantirishda muhim qadam bo‘lib xizmat qiladi.