Jamshid Nasriddinov Ramazon hayiti bilan barcha tumandoshlarni tabrikladi!
Kattaqo‘rg‘on tumanidagi 31 ta jome’ masjidlarida hayit namozi o‘qilib, tumandoshlar bu muborak kunni fayzli va xotirjamlikda qarshi oldilar.
Hayit namozida tuman hokimi Jamshid Nasriddinov ham ishtirok etib, Qalandarxona jome’ masjidida to‘plangan fuqarolarni Ramazon hayiti bilan samimiy tabrikladi.
"Har birimizning xonadonimizda ahillik, qut-baraka arimasin, o‘zaro hurmat, mehr-oqibat va bag‘rikenglik, sabr-qanoat va shukronalik hislari bardavom bo‘lsin", - dedi hokim.
U, shuningdek, Alloh taolo yurtimizni tinch, yanada obod va farovon, osmonimizni musaffo, boshlagan ezgu ishlarimizni xayrli qilsin deb tiladi.