Kattaqo‘rg‘on tumanida chorvachilik rivoji yo‘lida yangi qadamlar tashlanmoqda. Mo‘llako‘rpa mahallasida tashkil etilgan "Mirzobek Naslli Chorvalari" chorvachilik kompleksi bunga yorqin misol bo‘la oladi. Tadbirkor O‘tkir Rashidov tashabbusi bilan yaratilgan mazkur kompleksda 15 ta ot, 300 bosh qo‘y va 100 bosh qoramol parvarish qilinmoqda. Ushbu chorvachilik majmuasi hududning qishloq xo‘jaligida muhim ahamiyat kasb etmoqda.

Kompleks faoliyati mahalliy aholi uchun ham katta ijtimoiy ahamiyatga ega. U yerda 10 nafar ishchi ish bilan ta’minlangan bo‘lib, har biri oyiga 3,5 million so‘mdan maosh oladi. Zamonaviy infratuzilma va chorva mollari uchun qulay sharoitlar tufayli, ishlab chiqarilayotgan mahsulotlar sifatli va raqobatbardosh bo‘lishi ta’minlanmoqda.

Kelgusida kompleks faoliyatini kengaytirish, chorva mollari sonini oshirish va mahsulotlarni qayta ishlash rejalashtirilgan.