23-11-2024 11:00
"Avatar" uzumi – qishloq xo‘jaligidagi yangi samaradorlik, mo‘l hosildorlik va yuqori daromad manbai
Kattaqo‘rg‘on tumani Mundiyon mahallasida joylashgan "Nazokat Oltin Dalasi" fermer xo‘jaligi raisi Elyor Mavlonov tomonidan agrar sohada muhim tashabbus amalga oshirildi. Xo‘jalikning 2 gektar maydoniga 3 ming tup "Avatar" uzum ko‘chatlari ekildi. Bu nav mahalliy iqlim sharoitiga moslashgan va yuqori sifatli hosil berishi bilan ajralib turadi.
Shuningdek, 1 gektar yerda ertapishar shaftoli va zardoli ko‘chatlari o‘tqazilib, qator oralariga 25 ming tup "Kobra" navli qulupnay ko‘chatlari ekildi. Ushbu loyiha fermer xo‘jaligining ko‘p tarmoqli rivojlanishiga zamin yaratadi.
