КЎЧАТ ЭКИБ, БОҒ БАРПО ЭТАЙЛИК!

[jpg jpeg gif png txt doc docx xls xlsx pdf ppt pptx pps ppsx odt ods odp mp3 mov mp4 m4a m4v mpeg avi ogg oga ogv weba webp we]

Кўчат экиб боғ барпо этиш, атроф-муҳитни тоза-озода сақлаш халқимизнинг асрлар синовидан ўтган миллий қадриятларидир. Зеро, аждодларимиз оилада янги туғилган ўғил болага атаб ерга ниҳол қадаган. Чунки бу ниҳол кун келиб ўғил бола уйланганиши арафасида унинг учун янги уй қуришда ишлатилган.

Бугун ана шу эзгу анъана давом этиб, муҳтарам Президентимиз Шавкат Мирзиёев ташаббуслари билан умуммиллий ҳаракатга айланди. Айни кунларда “Яшил макон” умуммиллий лойиҳаси доирасида дарахт экиш бўйича баҳорги мавсум давом этяпти. 

Эътибор беринг-а, туманда 150 минг нафар меҳнатга лаёқатли инсонлар ҳаммамиз киришиб 10 тадан кўчат эксак, бу 1.5 миллион дарахт бўлади. Шунда туманимиз чаманзорга, боғу бўстонга айланиб кетади. Бу акцияда фаол қатнашиб, савоб оламиз, ҳам ўзимиз ва келажак авлод учун гўзал диёр қолдирамиз. 

Ақлли одам фақат бугуни билан яшамайди. Балки у келажаги учун, охирати учун сармоя киритади. Кўчат экиб, боғ барпо қилиш эса энг яхши садақаи жориядир.

 

2015-2024 © Kattaqo'rg'on tuman hokimligi. Sayt yaratuvchisi: SAKTRM