Каттақўрғон туманидаги таълим даргоҳларини ҳар томонлама қўллаб-қувватлаш, муносиб шароитларни яратиб бериш мақсадида 5-мактабда таъмирлаш ишлари бажарилмоқда.
Жумладан, 2-сектор ҳудудидаги Қиёт маҳалласида жойлашган 5-мактабда “Бек Транс Навоий” ва “Улуғбек Универсал Қурилиш” масъулияти чекланган жамиятлари томонидан 179 миллион сўм маблағ эвазига бинонинг фасад қисмида таъмирлаш, йўлакларни бетонлаш, эшик-ромларни алмаштириш ва ички хоналарни ранглаш ишлари олиб борилмоқда. Ҳозирда қурилиш ишлари 60 %га бажарилган.