Kattaqo‘rg‘on tumanining 2021-yilgi mahalliy budjetini tasdiqlash to‘g‘risida

 

O‘zbekiston Respublikasining “2021-yil uchun O‘zbekiston Respublikasining Davlat budjeti to‘g‘risida”gi Qonuniga hamda Samarqand viloyati Xalq deputatlari Kengashining “Samarqand viloyati 2021-yilgi mahalliy budjetini tasdiqlash to‘g‘risida”gi qaroriga muvofiq

 

         Q A R O R      Q I L A M A N :

 

1. Samarqand viloyati Xalq deputatlari Kengashining “Samarqand viloyati 2021 yilgi mahalliy budjetini tasdiqlash to‘g‘risida”gi qaroriga asosan Kattaqo‘rg‘on tumani budjetiga Samarqand viloyati budjetidan ajratilgan:

- tartibga soluvchi budjetlararo transfert 65 534 847,0 ming so‘m miqdorida tasdiqlanganligi, bunda tartibga soluvchi budjetlararo transfertlar miqdorini tuman mahalliy budjeti daromadlari prognozining ijrosidan qat’i nazar kamaytirishga yo‘l qo‘yilmasligi, O‘zbekiston Respublikasining “2021-yil uchun O‘zbekiston Respublikasining Davlat budjeti to‘g‘risida”gi Qonunida belgilab qo‘yilganligi;

- tuman budjetining aylanma kassa mablag‘i 1 516 000,0 ming so‘m miqdorda belgilanganligi ma’lumot uchun qabul qilinsin.

2. Xalq deputatlari  Kattaqo`rg`on tuman Kengashi qaroriga asosan 2021-yilda:

a) quyidagi soliq turlari tuman budjetiga to‘liqligicha o‘tkazib beriladi:

- jismoniy shaxslardan olinadigan mol-mulk solig‘i;

- jismoniy shaxslardan olinadigan yer solig‘i;

- jismoniy shaxslarning mol-mulkini ijaraga berishidan olinadigan yillik daromadlari bo‘yicha deklaratsiyaga asosan hamda yakka tartibdagi tadbirkorlar tomonidan to‘lanadigan daromad solig‘i;

- suv resurslaridan foydalanganlik uchun soliq, bundan elektr stansiyalari tomonidan to‘lanadigan soliq mustasno;

- qurilish materiallari bo‘yicha yer qa’ridan foydalanganlik uchun soliq,  bundan sement xom ashyosi va sement ishlab chiqarishda foydalaniladigan   oxaktosh mustasno;

- yuridik shaxslarning mol-mulkiga solinadigan soliq;

- yuridik shaxslardan olinadigan yer solig‘i;

- elektr stansiyalari tomonidan to‘lanadigan suv resurslaridan foydalanganlik uchun soliq;

- yakuniy iste’molchilarga benzin, dizel yoqilg‘isi va gaz  realizatsiya qilishdagi aksiz solig‘i;

- aylanmadan soliq;

-qonunchilikda belgilangan miqdorlardagi davlat bojlari(bojxona  yig‘imlaridan  tashqari);

- qonunchilikda belgilangan miqdorlardaO‘zbekiston Respublikasining Davlat budjetiga undiriladigan jarimalar;

- ayrim turdagi tovarlarning chakana savdosiga doir huquq uchun yig‘imlar;

- qonunchilikda belgilangan miqdorlarda O‘zbekiston Respublikasining Davlat budjetiga undiriladigan boshqa yig‘imlar (bojxona organlari tomonidan undiriladigan yig‘imlar va g‘ildirakli transport vositalari, o‘ziyurar mashinalar va ularning tirkamalari uchun undiriladigan utilizatsiya yig‘imidan tashqari);

- avtotransport vositalarini sotib olganlik va (yoki) O‘zbekiston Respublikasi hududiga vaqtinchalik olib kirganlik uchun yig‘imlar;

- qonunchilikda belgilangan miqdorlarda davlat daromadiga o‘tkaziladigan mol-mulkni realizatsiya qilishdan tushgan tushumlar, mahalliy davlat hokimiyati organlarining ulushi bo‘yicha dividendlar (daromadlar) va ajratmalar;

- davlat aktivlarini joylashtirishdan, foydalanishga (ijaraga) berishdan va sotishdan qonunchilikda belgilangan normativlar bo‘yicha olingan daromadlar;

b) quyidagi soliq turlari va boshqa to‘lovlar viloyatning viloyat budjeti hamda tuman mahalliy budjeti o‘rtasida taqsimlanadi:

- jismoniy shaxslardan olinadigan daromad solig‘idan tushumlarning (jismoniy shaxslarning mol-mulkini ijaraga berishdan oladigan yillik daromadlari bo‘yicha deklaratsiyaga asosan to‘lanadigan hamda yakka tartibdagi tadbirkorlar tomonidan to‘lanadigan daromad solig‘idan tashqari) 35 foiz miqdorda tuman budjetiga;

- foyda solig‘idan tushumlarning (O‘zbekiston Respublikasi Prezidenti qarori bilan tasdiqlanadigan ro‘xatga muvofiq yirik soliq to‘lovchilar, O‘zbekiston Respublikasida doimiy faoliyat olib boruvchi muassasa orqali faoliyat yurituvchi O‘zbekiston Respublikasi norezidentlari tomonidan, shuningdek, norezidentlarning to‘lov manbayida ushlab qolinadigan daromadlaridan to‘lanadigan foyda solig‘idan tashqari) 50 foiz miqdorda tuman budjetiga;

- mobil aloqa xizmatlari va alkogol mahsuloti, shu jumladan, pivo uchun aksiz solig‘i bo‘yicha tushumlar tegishincha 2020-yilning 1-iyul holatiga ko‘ra Qoraqalpog‘iston Respublikasi, viloyatlar va Toshkent shahri aholisi sonining respublika aholisi sonidagi ulushiga muvofiq o‘tkazib berilishi ma’lumot uchun qabul qilinsin.

3. 2021-yil uchun tuman budjeti daromadlar prognoz ko‘rsatkichlari
1-ilovaga muvofiq tasdiqlansin.

4.Tuman budjetidan 2021-yilgi hududiy budjet mablag‘larini taqsimlovchilarga ajratiladigan xarajatlarning umumiy cheklangan miqdorlari 2-ilovaga muvofiq tasdiqlansin.

5. 2021-yil uchun mahalla fuqarolar yig‘inlari kesimida ularning iqtisodiy rivojlanishiga qarab qishloq xo‘jaligiga mo‘ljallanmagan yerlar uchun jismoniy shaxslar hamda yuridik shaxslar uchun yer solig‘i stavkasiga chegaraviy kamaytiruvchi va oshiruvchi koeffitsiyentlar 3-4-ilovalarga muvofiq tasdiqlansin.

6. 2021-yil uchun tuman budjeti zaxira jamg‘armasi hajmi 1 621 322,0 ming so‘m miqdorida belgilansin.

7. Tuman hokimligi:

- har chorak yakuni bilan keyingi chorak birinchi oyining 25-sanasiga qadar rasmiy veb-saytlarga o‘z tasarrufidagi budjet tashkilotlari kesimida moliyaviy hisobotlarni hamda boshqa tegishli ma’lumotlarni joylashtirsin;

- budjet daromadlari va xarajatlari ko‘rsatkichlarining bajarilishini ta’minlash, soliq bazasini kengaytirish hamda iqtisodiy salohiyatini oshirish yuzasidan zarur chora-tadbirlar ko‘rish, budjet mablag‘laridan maqsadli va samarali foydalanishi ustidan qat’iy nazoratni o‘rnatishi uchun xalq deputatlari tuman Kengashiga doimiy ravishda ma’lumot kiritib borsin;

- O‘zbekiston Respublikasining “2021-yil uchun O‘zbekiston Respublikasining Davlat budjeti to‘g‘risida”gi Qonunida belgilangan ayrim soliqlar va to‘lov stavkalari, soliq solish tartiblari hamda boshqa ma’lumotlarni ommaviy axborot vositalarida yoritilishini ta’minlasin.

8.Mazkur qarorning bajarilishini nazorat qilish tuman hokimining birinchi o‘rinbosari Q.Xudayberdiyev zimmasiga yuklatilsin.

 

 

Tuman hokimi v.b.                                       J.Nasriddinov

14.02.2021 йил

№ 122-Қ-сон

 

 

Kattaqo‘rg‘on tuman hokimining ______son qaroriga 1-ilova
Samarqand viloyati mahalliy budjetlarining 2021 yilgi asosiy daromad ko‘rsatkichlari to‘g‘risida
MA’LUMOT
		ming.so‘m
№	Daromad turi
		Kattaqo‘rg‘ontumani
	Jami daromadlar	98 218 664
I.	Rag‘batlantiruvchi daromad	13 839 238
	Jismoniy shaxslardan olinadigan daromad solig‘i	34 244 762
	Ajratma meyori	35
1.	Mahalliy budjetga	11 985 667
	Yuridik shaxslardan olinadigan foyda solig‘i	3 707 141
	Ajratma meyori	50
2.	Mahalliy budjetga	1 853 571
II.	Biriktirilgan daromadlar	61 884 806
	Tuman va shaharlarga biriktirilgan	21 531 701
1	Yagona soliq to‘lovi	4 668 789
2	Jismoniy shaxslardan olinadigan daromad solig‘i (ITD)	2 441 627
3	Jismoniy shaxslardan olinadigan yer solig‘i	6 458 520
4	Yer osti boyliklaridan foydalanganlik uchun soliq noruda	181 149
5	Jismoniy shaxslarning mol-mulkiga solinadigan soliq	7 778 872
6	Ijara to‘lovlari	2 744
	Viloyat va tuman (shahar)lar budjetlari o‘rtasida taqsimlanadigan daromadlar	40 353 105
1	Benzin, dizel yoqilg‘isi va gaz realizatsiyasidansoliq (AZS)	11 037 163
	Ajratma meyori	100
	Mahalliy budjetga	11 037 163
2	Yuridik shaxslarning mol-mulkiga solinadigan soliq	2 078 908
	Ajratma meyori	100
	Mahalliy budjetga	2 078 908
3	Yuridik shaxslar yer solig‘i	5 760 402
	Ajratma meyori	100
	Mahalliy budjetga	5 760 402
4	Suv resurslaridan foydalanganlik uchun soliq	77 819
	Ajratma meyori	100
	Mahalliy budjetga	77 819
5	Yig‘imlar	21 398 813
	Ajratma meyori	100
	Mahalliy budjetga	21 398 813
III.	Taqsimlanuvchi daromadlar (formula bo‘yicha)	22 494 620
	Aholi soni (ming kishi)	274
1.	Alkogolga aksiz solig‘i (shu jumladan pivo)	14 606 860
2.	Mobil aloqaga aksiz solig‘i	7 887 760
	JAMI XARAJATLAR	163 753 511
	TRANSFERTLAR	65 534 847